భరత్ అనే నేను - పొలిటికల్ డ్రామా BHARATH ANE NENU 2018 TELUGU MOVIE REVIEW IN TELUGU

RATING :3/5

భరత్  అనే నేను పొలిటికల్ డ్రామా , రెండు అట్టర్ ప్లాపులు తరవాత మహేష్ బాబు నటించిన సినిమా , శ్రీమంతుడు లాంటి హిట్ సినిమా తరువాత కొరటాల శివ , మహేష్ కలయికలో వస్తున్న సినిమా భరత్ అనే నేను, భారీ బిసినెస్ చేసుకుని అత్యధిక తెరలపై ఈరోజు విడుదలయిన  ఈ సినిమా ఎలా ఉందంటే ... 

కథ : భరత్ రామ్ విదేశాలలో చదువుకుని తండ్రి మరణం తరువాత ఇండియా కి తిరిగివచ్చి , తండ్రి స్థానం లో రాష్ట్ర ముఖ్యమంత్రి అవుతాడు , అతను చేసిన మార్పులతో రాష్ట్రంలో అతనికి శత్రువులు ,అడ్డంకులు ఎక్కువవుతాయి , వాటన్నింటిని అతను ఎలా అధిగమించాడు ? ఎం సాధించాడు అనేదే కథ . 

నటీనటులు : మహేష్ ఒక్కడే సినిమాని మోసేసాడు , అతని స్టైల్, డైలాగ్ డెలివరీ , యాక్టింగ్ సినిమా ని నిలబెట్టాయి ., కానీ అవి కొత్తగా ఏమి లేవు , మహేష్ ఎంత త్వరగా తన యాక్టింగ్ లో మార్పులు చేసుకుంటే అంతమంచిది , అదే ఎక్స్ప్రెషన్స్ ,అవే  చూపులు , రొటీన్ గ అనిపిస్తాయి . ఇక మహేష్ మళ్ళి డాన్స్ లో వీక్ అని నిరూపించుకున్నాడు , కసరత్తులు చేస్తున్నట్లు ఉండే డాన్స్ చూడటానికి రోతగా ఉంది , డాన్స్ మాస్టర్లు కనపడితే దండం పెట్టాలి , కియారా అద్వానీ కి చెప్పుకోదగ్గ పాత్ర లేదు , ఉన్నంతలో అందం ఒలకబోసింది , ప్రకాష్ రాజ్ నటన గురించి ప్రత్యేకంగా చెప్పాల్సింది ఏమి లేదు , శరత్ కుమార్ , ఆమని , సితార అతిధి పాత్రలు చెప్పుకోదగినవి కావు , పోసాని,జీవ,కన్నడ విలన్ దేవరాజ్(బాలయ్య - బంగారు బుల్లోడు) ఉన్నంతలో బాగా చేసారు . బ్రహ్మాజీ ,రావు రమేష్ పర్వాలేదు . మహేష్ మాత్రమే సినిమా మొత్తం నిండిపోవడం వలన మిగిలిన వారు ఎవరు కనపడరు . 

సాంకేతికవర్గం:కొరటాల శివ పరమ రొటీన్ కథ ఎంచుకున్నాడు , కొన్ని సీన్లు బాగున్నా కథకి అనవసరం అనిపించేవి పెట్టాడు ,(లవ్ ట్రాక్)హీరో బిల్డుప్ సీన్స్ లో దేవి సంగీతం మినహా ,అక్కడ అంత సీన్ ఉండదు , ఒకేఒక్కడు ,లీడర్ షేడ్స్ ఉన్నా , మాస్ మసాలా ఆడ్ చేసి కమర్షియల్ హంగులు అద్దాడు కొంత వరకు విజయం సాధించాడు . కానీ సినిమాలో ప్రతి సీన్ గమనిస్తే అనవసర సాగతీత కనపడుతుంది ,

ముఖ్యంగా క్లైమాక్స్ ముందు వచ్చే పోరాట సన్నివేశం సాగి నిరుత్సాహ పరుస్తుంది , 
హీరోయిన్ తో హీరో బిల్డింగ్ లాన్  లో సీన్ ,హీరో తమ్ముడి సీన్స్ అవసరమా , 
పిన్ని పాత్ర ఎందుకు? 

సమస్య కి సొల్యూషన్ చెప్పడం బాగానే ఉంది కానీ అది ఫలించినట్లు ఎక్కడ చూపించలేదు , ఉన్న రెండు మూడు సన్నివేశాలతో అది జనాలకు అర్ధం కాదు. రామ్ లక్ష్మణ్ ఫైట్స్ బాగున్నాయి , కొరటాల డైలాగ్స్ ఆకట్టుకుంటాయి ,డాన్సులు పరమ చెత్త ,వచ్చాడయ్యో సామి పాట  చూడటానికి బాగుంది , ఇది కల లా వుంది పాట  లో మహేష్ బాబు మీసాలతో కనపడటం సరదాగా అనిపిస్తుంది ,ఎడిటింగ్ చాలా చెయ్యాల్సి ఉంది , ఆర్ట్ వర్క్ చాలా బాగుంది ,దేవి సంగీతం పర్వాలేదు . కెమెరా అద్భుతం . 


                          సీఎం...   ఎఫైర్ గురించి పేపర్ లో వచ్చిందని రాజీనామా చేయడం హాస్యాస్పదం . 
ఆ తరువాత ప్రెస్ మీట్ పెట్టడం కంటే ముందే పెట్టి  వివరించవచ్చుగా .. 

సోషల్ అకౌంటబిలిటీ(జవాబు దారీతనం) , బాధ్యత గురించి సినిమా లో మరింత లోతుగా చెప్పాల్సింది . 

అతడు సినిమా క్లైమాక్స్ లో ప్రకాష్ రాజ్ మాటలకి కోట ఆత్మహత్య చేసుకుంటే , ఈ సినిమాలో మహేష్ మాటలకి ప్రకాష్ రాజ్ ఆత్మహత్య చేసుకుంటాడు . 

సినిమా నిడివి ఎక్కువ అయినా రంగస్థలం ఆకట్టుకుందంటే కారణం మనసుకు హత్తుకునే కథనం ,నటన , అవి రెండు భరత్ లో లేవు ,ఒక్క సన్నివేశం కూడా మనసుని కదిలించదు . 


మహేష్ కోసం ఒక్కసారి చూడొచ్చు . 

సినిమా చూసినది :రామకృష్ణ 70 (అబిడ్స్) పరమ చెత్త సౌండ్ సిస్టం , మాటలు తప్ప బ్యాగ్రౌండ్ ఏమి వినపడలేదు , 

సప్నా థియేటర్ (అబిడ్స్) కంపు సినిమా హాల్ ,చిన్న స్క్రీన్ , ఏ సి పనిచేయదు